Psa 11 | PONPDN | STEP | I LIKI Ieowa, a menda komail indang ngen i: Piridalang pon omail nana dueta manpir amen?

Psalms 11

1 I LIKI Ieowa, a menda komail indang ngen i: Piridalang pon omail nana dueta manpir amen?
2 Pwe kilang, me doo sang Kot akan kaonopadar kasik katieu o pwilikidi ar kanan en kasik katieu pon sal o, pwen rir kasikiedi me melel ni mongiong arail.
3 Pwe ma ur akan rongk pasang, da me aramas pun en wiada?
4 Ieowa kotikot nan tanpas a saraui, mol en Ieowa mimi nanlang, silang i kin mamasani sili, kil en silang i kin soson aramas akan.
5 Ieowa kotin song me pung, ap kotin tataki me sapung o morsued.
6 A pan kotin kamoredi ong me doo sang Kot akan liol, o kisiniai, o swepel, o a pan katine kin irail melimel.
7 Ieowa me pung o a kotin pok ong me pung. Silang i irerong ong me melel o.